DIARIO

Hoxe comezamos unha nova semana do noso DIARIO DE CORENTENA. Durante a mesma, teredes que enviarme o documento co que escribiches no diario.
Adicade uns 10 minutos a escribir no mesmo.
Os que o estades facendo en WORD, adxutádeme o documento, e os que o podedes facer en documentos de GOOGLE, só tendes que compartilo conmigo.

DIARIO

Adicamos 10 minutiños do noso tempo a desafogarnos co  noso diario de CORENTENA. 
Recorda seguir as pautas dadas o luns.

DIARIO

Seguimos co noso diario de CORENTENA, un diario de aprendizaxe no que temos que pararnos e meditar varias cuestións. 

É importante que sexas consciente de que é o que estás a aprender, e sobre todo, como o estás aprendendo. Esta é unha situación extraordinaria que nunca se dera, e polo tanto, nova para todos, na que o método de ensinanza tamén é diferente así como, a rutina que tiñamos a cotío. 

Este diario, o noso diario, é unha das boas ferramentas que temos para sabelo. 

Trátase de manter un diálogo contigo mesmo no que aprendes dos teus propios procesos mentais.

A partir dagora, en cada entrada que fagamos no noso diario dixital ou en papel, debemos de respostar cada día a algunha destas 5 cuestións que plantexo a continuación: 

• Que aprendín? (Descrición breve)
• Non é necesario que percorras todo o que fixeches, senon de todo o que aprendiches ao longo destos días, te centres no máis importante, o máis útil ou o máis difícil. 
• Non só aprendes ou repasas contidos curriculares senón que tamén é importante que reflexiones sobre se adquiriches maior destreza tamén en habilidades non cognitivas.
• Como o aprendín?
• Quen me axudou ou a quen axudei?
• Que recursos empreguei?
• Como me resulta máis fácil aprender?
• Que me produce maiores dificultades? Cales son? Como as superei?
• Cal foi o meu rendemento? 
• Concentración
• Implicación
• Compromiso
• Responsabilidade
• Progreso
• Constancia
• Para que me vai a servir o que aprendín?
• Que cousas non volvería facer?
• De que estou orgulloso/a?  Que foi o que fixen mellor?
• En que me axudou persoalmente o que aprendín?
• En que mellorei como persoa? A quen podo axudar?
• En que podo mellorar a nivel de organización da tarefa e de resultados?
• Novos obxectivos da aprendizaxe
• Hai algo que poida mellorarse? Vou a melloralo?
• Que me falta por aprender?
• Que aspectos querría ter aprendido?

DIARIO

 

Continuade coa escritura do voso diario de corentena. Os que o estedes facendo en word ou algún documento de texto, continuades no mesmo; os que esteades a facelo nalgún caderno, continuades tamén nel. 

A finais desta semana (o domingo) pedirei que me pasedes o escrito no mesmo para valorar a vosa expresión escrita. 

Adicádelle uns 10 ou 15 minutos a escribir como vos sentides e describide aquilo que vos preocupa ou queirades contar, ben para desafogarvos ou simplemente porque vos apetece.